日本IG大熱灑鹽居酒屋

日本IG近日洗版式出現呢間灑鹽居酒屋 上次暑假已經好想去，因為無得網上預約，就算佢其餘分店都係一樣全部爆滿。 今次第一晚已經親自落鋪預約，得返幾天後的晚上10點半，一於照去。 一入居酒屋，超有氣氛，有個燒魚既爐，師傅灑鹽既功力，真係覺得d鹽晌佢手上變到識跳舞咁，完全係一個mini show。好幸運坐晌師傅附近，睇佢灑鹽真係一種享受😆 🐟燒沙甸魚配明太子 沙甸魚非常新鮮，因為稍一不新鮮，沙甸魚很易有腥味，魚既魚肝好甘香，配埋微辣明太子，非常搭配。 🐟三文魚子吞拿魚蓉黃蘿蔔絲 用紫菜夾上Tuna蓉配三文魚子，作為前菜非常不錯，細心位係職員會留意你無晒紫菜就會為你添加 🦐煙肉包大蝦串 香脆煙肉包住大蝦肉，正。另外，如果客人點有殼大蝦，佢會直頭成隻幫你去晒殼，啱晒懶人 🐔燒雞皮 燒皮燒到香脆，燒汁勁好食，忍唔住再encore 🐔炸雞排 雞肉多汁香口 🍍菠蘿 呢個係店主送比我地食，唔係枱枱有架😁好蜜甜多汁 終於明呢間點解咁爆場，食物好，氣氛佳，服務又得，超級推介。 推介度⭐⭐⭐⭐⭐